Reodorklubben
Har du ein oppfinnar i magen? Har du lyst til å lære deg å kode, 3D-printe, laserkutte, lodde og reparere ting?
ViteMeir startar opp Reodorklubben onsdag 9. mars. Dette er eit fritidstilbod for 5.-10. klasse, der born og ungdom kan få teste sin indre oppfinnar.
Lions Club Sogndal støttar Reodorklubben fordi den fremjer kunnskap om
teknologi og inspirerer born til kreativt arbeid.
ViteMeir sin eigen Reodor Felgen (Andreas Uglum Vikdal) er sjølvsagt veldig gira over å endeleg vere i gang. Eg gler meg til å sjå kor kreative deltakarane er, og kanskje me kan vere med på å utvikle framtida sine oppfinnarar, seier han.
Lions Club Sogndal er med på å støtte gjennomføringa av Reodorklubben. Me støttar Reodorklubben fordi den fremjer kunnskap om teknologi og inspirerer born til kreativt arbeid. Her er gjenbruk eit nøkkelord, og dette er eit lavterskeltilbod, seier Marit Hovland, representant for Lions Club Sogndal.
